 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Ці памятаеш ты цікавы вечар
Разгадкі рэбусаў і мілых таямніц?
З маёй душы спаўзаў расталы глетчар,
З тваёй – плыў перазвон жывых крыніц.
Тыгрысты кот мне ўскочыў на калені,
Пяшчотна і прыязна варкатаў.
I ты казала ў радасным зьдзіўленьні:
– Відаць, любоў прыцягвае ката.
Мой дзікі кот ад кожнага ўцякае,
А да цябе палашчыцца прыбег.
Зялёны позірк. Цяплыня якая!
I лапкі белыя, як першы сьнег.
Я пальцам казытаў ката за вухам,
Ён варкатаў, сьпяваў мне каляду
Аб тым, што напярэчкі завірухам
Пайду я ў сьвет і там цябе знайду.
Цябе знайшоў. Сярод чужых, нязнаных.
А здагадацца я тады ня мог,
Што гэта кот глядзеў на лёс каханых,
На скрыжаваньне дзьвюх людзкіх дарог.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
